E Aruba Health App (AHA) ta brinda usuarionan acceso facil y sigur na nan informacion di salud, manera bista general di remedi y cita cu dunadornan di cuido primario. Pa usa e AHA bo mester download e app y traha un cuenta, y bo dokter di cas mester activa esaki for di su sistema. E app ta usa verificacion biometrico pa acceso sigur y ta integra datonan medico via Registronan di Salud Electronico (EHR:Electronic Health Records). Cu un sistema di self-triage, AHA ta yuda usuarionan determina ki ora mester di asistencia medico. E app ta gratis pa usa y ta garantisa privacidad di usuario den cumplimento cu normanan legal aplicabel. Pa pregunta of sosten, un servicio di cliente 24/7 ta disponibel via un chatbot di WhatsApp.
Tocante Nos
E Aruba Health App (AHA) a wordo desaroya den nomber di Ministerio di Salud Publico di Aruba y ta tecnicamente maneha pa SETAR. AHA ta provee acceso na varios servicio di cuido di salud, manera trahamento di cita, self-triage, y bista general di remedi. E app ta conecta na e sistemanan di e dunadornan di cuido di salud, y datonan medico ta wordo manda directamente pa nan despues di bo consentimento. Datonan personal ta wordo procesa di acuerdo cu normanan di privacidad y seguridad aplicabel.
Vision
E vision pa e Aruba Health App ta pa probecha di tecnologianan innovativo, pa engrandece e accesibilidad, calidad, y eficiencia di servicionan di cuido medico na Aruba. Door di duna acceso na informacion medico, trahamento di cita, y funcionnan di self-triage, e app ta empodera tanto dunadornan di cuido como pashentnan. E innovasion aki tin como meta pa traha mas tempo pa cuido personalisa, garantisando cu e dunadornan di cuido por enfoca riba necesidadnan individual di e pashent. Como parti di e strategia nacional mas amplio di cuido di salud, e Aruba Health App ta un herment clave pa transforma cuido di salud den un sistema sostenibel y eficiente pa futuro generacionnan.
