Tin Algun Pregunta?
E preguntanan mas frequente tocante Aruba Health App y nos servicionan.
Mi mester tin AZV pa por uza e app?
Pa uza e app, bo mester suministra bo number di AZV cu un document di ID valido (paspoort, rijbewijs of cedula). E informacion aki ta necesario pa verifica bo identidad y pa cuadra cu e cuenta corecto di AZV.
Mi mester di documentonan di identidad Arubiano pa por uza e app?
Bo cedula y rijbewijs mester ta di Aruba pa por haya un verificacion pa por uza e app (no ta acepta un rijbewijs Hulandes). Of bo por uza un paspoort valido di cualkier pais.
Mi por agrega mi miembronan di famia na mi cuenta?
Si, bo por agrega miembronan di famia door di laga nan drenta for di den bo cuenta. Riba e pantaya di inicio, primi e boton berde cu e flecha abou banda di bo nomber riba bo cuenta, despues primi “Agrega miembro di famia”.
Mi ‘onboarding’ a fracasa, awor kico?
Ora ‘onboarding’ fracasa, bo registracion por wordo procesa door di un agente di sosten cu lo verifica bo identidad. Pa asistencia, contact nos via WhatsApp Health Support.
Accidentalmente mi a hinca informacion personal incorecto
Un agente di sosten por procesa e datonan personal cu bo a manda y si ta necesario, lo coregi e informacion. Pa asistencia, contact nos via WhatsApp Health Support.
Mi a selecta e dokter di cas robes ora di ‘onboarding’. Con mi ta coregi esaki?
Warda pa e dokter selecta rechasa e cita. Bo por yama e dokter cu bo a selecta tambe pa informanan y pidi nan pa rechasa bo registracion. Unabes rechasa, bo lo por selecta un dokter di nobo.
Mi kier rectifica mi propio informacion of informacion di un miembro di famia riba ‘onboarding’ cu informacion corecto.
Riba e pantaya di inicio, primi riba bo tegel di usuario na e parti ariba di e pantaya pa tin acceso na bo ‘Profiel’. Scroll te na e parti abou di e pantaya y primi “Elimina Miembro” y sigui e instruccion. Ora bo caba, primi ‘finalisa setup’ pa cuminsa e proceso di ‘onboarding’.
Si bo tin mas miembro di famia pa agrega y si bo ta desea di ‘delete’ un miembro, bo mester ‘delete’ e otro miembro prome.
Cuanto aña mi mester tin pa por drenta of uza e app di AHA?
Unicamente como e miembro principal bo mester tin 18 aña of mas bieu pa ‘onboard’ e app. Unabes cu un miembro principal ta wordo agrega, e siguiente miembronan no tin restriccion di edad manera por ehempel bo yuinan menor di edad.
Mi por haya mi yui(nan) riba cuenta di nan mama y nan tata?
Na e momentonan aki esaki no ta posibel. Esaki lo ta posibel den un version mas despues di e app di AHA.
Kico ta e proceso pa ‘onboard’ mucha of hende grandi sin un paspoort, cedula of rijbewijs?
Sin un documento di identidad oficial no ta posibel pa ‘onboard’. E identificacion di un individuo ta critico pa uza e app cu ta verifica e conexion cu AZV. Nos ta recomenda bo bishita Censo of traha un cita online riba e website di www.censo.aw pa pidi bo documento oficial cu bo mester.
Kico ta pasa durante ‘onboarding’ pa muchanan cu ainda tin nan potret di baby den nan paspoort pero awor tin 5 aña pa loke ta trata e scan di cara?
Si e match di cara fracasa den tur e intentonanan, e onboarding no por wordo completa.
Bo por yena e formulario di contacto pa haya yudansa pa bo ‘onboarding’.
Un hende lo revisa e registracion denter di 24 ora y wak si e identidad ta valido of no.
Kico ta pasa ora un persona no por move su cabes suficiente of por completo pa e scan di cara?
Si un hende no por move su cabes, nan lo no por subi.
Bo por yena e formulario di contacto pa haya yudansa pa bo ‘onboarding’.
Den un siguiente version di AHA e ‘onboarding’ lo wordo manda pa e ‘back office’ pa verificacion manual.
Kico ta pasa ora un mucha cu ta agrega na e app sin (cu e ta consciente) consentimento y a cumpli 18 aña?
E mayor cu e cuenta di miembro principal lo wordo notifica, pa laga e yui(nan) renoba nan consentimento of ‘onboard’ atrobe.
Mi por login riba mi app cu ‘fingerprint’, ‘face scan’ of pin?
Si, bo por. Bai na e tab di ‘settings’, primi riba App Lock, Sende esaki y sigui e siguiente paso.
Mi mester lock mi app?
Pa siguridad ta mihor bo lock bo app pa evita cu cualkier hende por tuma bo telefon y facilmente haya acceso na bo datonan.
Mi a yena e triage, pero con mi por sa cu mi datonan medico of cualkier contesta cu mi duna ta na un lugar sigur?
E app di AHA ta sigui normanan di siguridad pa sigura e datonan cu ta procesa. E datonan cu ta pasa entre abo y bo dokter ta ‘encrypto’ (den código) siguiendo normanan di siguridad internacional. E contesta cu bo duna den e triage ta wordo uza solamente pa duna bo conseho medico, certifica, basta cu nan ta refleha bo sintomanan actual cu exactitud.
Mi por comparti mi data medico cu un otro dokter of specialist via e app?
No tin ningun funcion cu ta sostene pa comparti data. Bo por mustra potretnan di bo app of e app mes na bo dokter.
Ora mi haci un triage, e contesta ta keda warda?
Solamente e datonan cu ta wordo colecta door di yena den e triage, manera bo edad, sexo, parti di curpa y sintomanan selecta ta keda warda pa 24 ora prome cu e wordo elimina. E localidad di e datonan aki no ta mara na bo identidad y ta wordo uza pa manda e datonan aki pa bo dokter ora bo kier crea un cita, pa estadistica y mehoracion di e triage mes.
Dicon mi funcionnan manera MiCita, MiDokter, MiRemedi, MiVacuna, Conexionnan no ta traha. E tegelnan ta mustra un circulo cora na e skina banda drechi ariba.
Funcionnan cu ainda no ta traha ta nifica cu bo dokter no a aproba nan ainda. Si e proceso aki tuma mucho largo, bo por yama e oficina di bo dokter pa controla si nan a ricibi bo registracion di e app. Pa asistencia, contact nos via WhatsApp Health Support.
Mi por wak mi historia medico via e app?
E datonan medico cu por haya den e app ta bo historia di vacuna y bo remedinan receta. Bo datonan medico completo no ta disponibel.
E app ta disponibel den varios idioma?
E app ta disponibel na Hulandes, Ingles, Spaño, y Papiamento pa sirbi mayoria di e idiomanan papia riba e Isla.
Accidentalmente mi a reserva un cita cu e fecha robes. Mi por haci un cita di nobo?
Bo por cancela bo cita door di primi MiCita, selecta e cita y primi “Cancela Cita (appointment)”.
Mientras cu mi tabata purba di traha un cita mi a ricibi un mensahe: “Fayo den proceso pa haci un cita”. Porfabor purba atrobe aki rato. Kico mi mester haci?
Controla pa wak si tin un mensahe di eror pa haya sa kico a bai robes y purba atrobe. Pa asistencia, contact nos via WhatsApp Health Support.
E status di MiCita’s, MiDokter, MiRemedi ta desconecta, kico mi mester haci?
E servicio ta depende di aprobacion di bo dokter. Si e tarda mucho, bo por tuma contacto cu e oficina di bo dokter pa controla si nan a ricibi bo registracion. Ora bo dokter aproba bo conexion di Aruba Health App, tur servicio mester funciona corectamente.
Ora mi controla e conexion e ta mustra cu “Vacunanan” ta conecta, pero e tegel di MiVacuna riba e pantaya no ta duna ningun informacion. E no ta mustra si e ta conecta of no.
Ora bo no ta mira un circulo cora riba ningun tegel riba e pantaya di inicio, esaki ta nifica cu e modula ta conecta.
Kico mi mester haci si mi dokter no ta uza e Aruba Health App?
Si bo tin un keho tocante di oficina di bo dokter di cas bo por bai serca bo dokter di cas directamente. Ta importante pa hiba un combersacion cu bo dokter di cas prome. Haciendo esaki, bo ta resolve e keho mesora. Den caso cu e keho no keda resolvi of bo no tin e curashi pa papia cu bo dokter, e ora ei bo por entrega bo keho na e comision di keho di e dokternan di cas.
Por manda bo keho via klachtencommissiearuba@gmail.com pa e comision di keho. Bo keho lo wordo atendi door di e comision di keho denter di 6 siman.
Con mi por sa si mi dokter a ricibi mi resultadonan di triage?
Si bo traha un cita, bo datonan (resultadonan di triage) lo keda manda pa bo dokter. Bo por yama bo dokter pa puntra si nan a ricibi bo cita.
1. Kico mi mester haci si mi topa cu un problema tecnico cu e app?
Pa asistencia, contact nos via WhatsApp Health Support
Kico mi mester haci si mi lubida mi contraseña di e app?
Si bo lubida bo contraseña di app y ta purbando di drenta, bo por primi riba ‘lubida contraseña’ pa crea un contraseña nobo. Lo bo ricibi un e-mail cu mas instruccion.
Mi mester di internet pa conecta cu e app?
Pa uza e app, bo mester di un conexion di internet.
Kico ta e rekisitonan di e app pa download y uza e app?
Pa Android e rekisitonan minimo di e app ta: API Nivel 21:
Android 5.0 (Lollipop) y e tamaño di e app ta 248MB.
Pa iOs e rekisitonan mínimo di e app ta:
Version Mínimo di OS: 12.0 y e tamaño di e app ta 147MB.
What are the app requirements to download and run the app?
- For Android, the app minimum requirements are API Level 21: Android 5.0 (Lollipop) and app size is 248MB.
- For iOS, the minimum OS Version is 12.0 and the app size is 147MB.
Tin un prijs pa uza e app of cualkier di su funcionnan?
E app ta gratis pa uza, incluyendo acceso na tur su funcionnan, pa publico general.
